icon التوصيل في نفس اليوم في القاهرة وأكتوبر، و٣ أيام لباقي المحافظات

icon

6 July 2021

3 طرق هتخلصك من مشكلة الرؤوس السوداء

تخلصي من الرؤوس السوداء بخطوات بسيطة ومنتجات مميزة من جلوس كايرو

الرؤوس السوادء مشكلة جلدية مزعجة، بنات كتير بتعاني منها خاصة أصحاب البشرة الدهنية. لأنها بتأثر على شكل البشرة وكمان بتحتاج لعناية مستمرة. عشان كدا هتلاقي آلاف الموضوعات والمنتجات اللي بتتكلم عن المشكلة دي وبتقدم حلول ليها. احنا في جلوس كايرو هنوفر عليكي البحث والحيرة بين الموضوعات دي وهنقدملك ملخص مميز يعرفك المشكلة من البداية وأفضل الحلول ليها وكمان ازاي تتجنبي ظهورها بعد كدا.

3 طرق هتخلصك من مشكلة الرؤوس السوداء

ليه بتظهر الرؤوس السوداء على بشرتك وايه أسبابها؟

بشرتنا بتتعرض لعوامل كتير جداً على مدار اليوم بتأثر فيها بشكل كبير، زي التعرض للشمس، الأتربة، مستحضرات التجميل اللي بنستخدمها على بشرتنا وغيرهم، كل الحاجات دي ممكن تسبب مشاكل كتير للبشرة وأبرزها ظهور الرؤوس السوداء.

الرؤوس السوداء بتتكون نتيجة انسداد المسام ودا بيحصل لما بتتعرض بشرتنا للأتربة أو مش بنتخلص من المكياج بشكل سليم ودا بيؤدي إلى تراكم الزيوت اللي بتفرزها البشرة وكمان البكتريا وبتسد المسام، ومع التعرض للهوا بتبدأ في التأكسد ويظهر اللون الأسود المعروف وتبدأ الرؤوس السوداء تظهر على شكل نقط على الأنف والوجه.

عشان كدا مهم جداً إنك تحافظي على نظافة بشرتك باستمرار وتتخلصي من بقايا المكياج بشكل صحيح. طيب لو ظهرت الرؤوس السوداء بالفعل، تعملي ايه؟ دا اللي هنقولهولك في الخطوات الجاية.

أفضل 3 طرق هتقضي تماما على الرؤوس السوداء وتخلصك منها

زي ما قولنا في منتجات كتير جداً خاصة بالرؤوس السوداء، منها الماسكات ومقشرات البشرة وأجهزة التنظيف وحتى بعض الأدوات المعدنية الصغيرة اللي بتستخدم للغرض دا.

كل دي منتجات مميزة فعلا وممكن تساعدك تتخلصي من المشكلة دي وكمان تقدري تستخدمي الوصفات الطبيعية وتعمليها بنفسك في البيت. هنشرحلك في الجزء دا كل الطرق دي وازاي تستخدميها وتستفيدي منها.

3 طرق هتخلصك من مشكلة الرؤوس السوداء

  • أولاً: الوصفات المنزلية للتخلص من الرؤوس السوادء

مفيش أسهل ولا أوفر من الوصفات البسيطة اللي ممكن تعمليها بنفسك في البيت ومنها التالي:

ماسك الجيلاتين: الجيلاتين من المواد اللزجة اللي بتلزق ع البشرة، ممكن تستخدمي معلقة من الجيلاتين البودر مع معلقة من اللبن الساخن وتدوبيهم في بعض وتستخدميهم على الأنف. بعد ما ينشف الخليط هيكون زي اللاصقة وتقدري تشيليه من على بشرتك ومعاه الرؤوس السوداء.

ماسك بياض البيض: بياض البيض هو كمان من الوصفات الطبيعية السهلة لكنه مش محبب بالنسبة لكتير مننا بسبب ريحته، لكنه فعال في إزالة الرؤوس السوداء. تقدري تستخدميه عن طريق إنك تدهني بياض البيض على الأنف وتغطيه بمناديل وتسيبيه ينشف وبعدها هتقومي بإزالة المناديل دي ومعاها هتشيلي الرؤوس السوداء.

 

  • ثانياً: لاصقات الأنف المعروفة

من أشهر الوسائل المعروفة في التخلص من مشكلة البثور هي لاصقات الأنف ودي عبارة عن لاصقة صغيرة بتوضع على منطقة الأنف بعد ما تبلليها بالماء وبعد ما تلزقيها كمان بترجعي تغطيها بالماء عشان تلزق كويس ويتم نزعها لما تنشف وليها مفعول جبار في إزالة البثور من البشرة.

  • ثالثا: ماسكات البشرة والمقشرات

بعض الماسكات بتحتوي على مواد كيميائية بيكون دورها هو التخلص من الرؤوس السوداء ومهم هنا أنك تختاري ماركة معروفة وموثوقة من ماسكات البشرة زي ماسك للبشرة لإزالة الرؤوس السوداء – Beesline أو نيتروجينا مقشر لإزالة الرؤوس السوداء 150مل – Neutrogena.

3 طرق هتخلصك من مشكلة الرؤوس السوداء

ازاي تحمي بشرتك من تكرار ظهور الرؤوس السوداء بخطوات بسيطة:

دايماً بيقولوا الوقاية خير من العلاج. عشان كدا الأسهل هو أنك تحمي بشرتك من الرؤوس السوداء بدل ما تعاني للتخلص منها والحقيقة دا مش محتاج منك غير شوية خطوات بسيطة وهي:

  1. نظفي بشرتك باستمرار عشان تتخلصي من الزيوت الزايدة والشوائب ومتتراكمش على بشرتك وتسببلك البثور وتقدري تلاقي مجموعة كبيرة من منظفات البشرة.

واللي بتنضف بشرتك بشكل عميق وبتخلصك من كل الرؤوس السوداء زي غارنيه بيور اكتيف ٣ في ١ 150مل- Garnier و لوريال غسول ديتوكس بالطين النقى والفحم 150مل – L’oreal.

  1. تقدري كمان تستخدمي مقشرات البشرة زي اسكراب وماسك الكركدية والأرز للبشرة والجسم 180جرام – Urban Ducks أو ماسك و اسكراب الفحم و الطمى – Glamour D nour.
  2. داومي على روتين مناسب للعناية بشرتك وتقدري تلاقي الروتين المناسب للعناية بالبشرة في بلوج جلوس كايرو اللي بنقدملك فيها عدد كبير من الموضوعات اللي هتساعدك تهتمي ببشرتك وتعتني بيها بشكل مناسب.
  3. اتخلصي من المكياج باستخدام منظف مناسب وآمن على بشرتك زي نيڤيا ماء تنظيف ميسيلار ٣ في ١ مزيل المكياج 100مل – Nivea أو غارنيه ماء ميسيلار منظف للمكياج 100مل – Garnier.
  4. دللي بشرتك وجربي جلسة عناية بالبشرة في مكان موثوق عشان تحصلي على تنظيف عميق لبشرتك بأجهزة متخصصة وتمنحي بشرتك إشراقة مميزة باستمرار.
  5. تابعينا على جلوس كايرو عشان تلاقي كل النصائح اللي محتاجاها للعناية ببشرتك من روتين للعناية بالبشرة والشعر أو وصفات طبيعية وتقدري تلاقي كمان كل المنتجات اللي محتاجاها للعناية ببشرتك عندنا.

في النهاية خليكي دايما عارفة إن مشاكل البشرة المختلفة هي شيء عادي بنواجهه كلنا وتقدري بخطوات بسيطة زي اللي ذكرناها فوق تتخلصي منها لكن الأهم إنك تحبي بشرتك بكل حالاتها لأن ثقتك بنفسك وتقبلك لبشرتك هي أكتر حاجة هتخليكي دايماً أجمل.

icon

Gloss Cairo Logo
تجربة تسوق فريدة من نوعها
  • image

    منتاجات أصلية %100

    من البراند أو الوكيل مباشرة

  • image

    شحن سريع

    نرضي ٩٩٪ من عملائنا

  • image

    خدمة عملاء متميزة

    تواصلي معنا علي إنستجرام، أو فيس بوك أو واتساب

  • image

    ضمان الارجاع المجاني

    ضمان الارجاع خلال ١٤ يوم

close حقيبة التسوق محتوبات الطلب
  • لا توجد منتجات متاحه