icon التوصيل في نفس اليوم في القاهرة وأكتوبر، و٣ أيام لباقي المحافظات

icon

13 July 2021

5 أسرار عن فوائد جوز الهند للشعر والبشرة تعرفي عليها

اعرفي معانا أفضل فوائد جوز الهند وطريقة استخدامه عشان تحصلي على بشرة رائعة

لو انتي من محبي المنتجات الطبيعية وبتقدري سحرها في علاج البشرة والشعر وتأثيرها المميز عليهم فاحنا انهارده جايينلك بواحد من أهم الكنوز الطبيعية، الغنية بالفيتامينات والمعادن واللي ليها تأثير كبير على صحتك وجمالك، تعالي نتعرف علي فوائد جوز الهند.

جوز الهند هو نوع من أنواع الفاكهة الاستوائية الشهيرة، بيتميز بأنه غني جدا فالفيتامينات والمعادن. من الثمرة المميزة دي بيتم استخراج زيت جوز الهند والزيت المميز دا بيحتوي على 50% تقريبًا من حمض اللوريك والحمض دا ليه تأثيرات مهمة ومميزة على صحة الجسم وكمان ليه استخدامات كتير تجميلية ودي اللي هنركز عليها في موضوعنا انهارده.

فوائد جوز الهند وتأثيره المذهل على جمالك:

زي ما قولنا زيت جوز الهند ليه استخدامات وفوائد كتير جداً ومن أهمها الآتي:

  • بيرطب الجلد بشكل لطيف ويحافظ على مرونة البشرة
  • تقدري تستخدميه كدهان للشعر لأنه بيرطب الشعر ويديله لمعة مميزة
  • بيعالج قشرة الشعر
  • يمكن استخدامه في الطعام لأن ليه تأثير في إنقاص الوزن بالإضافة لأنه زيت صحي وطبيعي
  • تقدري تستخدميه في جلسات المساج وتدليك البشرة
  • ليه رائحة لطيفة عشان كدا هتلاقي مجموعة منتجات برائحة جوز الهند زي دوف سبراى مزيل العرق بجوز الهند والياسمين 150مل – Dove
  • بيدخل في كتير من منتجات التجميل وتقدري تعملي منه وصفات منزلية كتير جدا أو تستخدمي المنتجات اللي بتحتوي على الزيت دا وتستفيدي من فوائد جوز الهند

بعد ما عرفنا شوية حاجات عن فوائد جوز الهند هنقولك دلوقتي ازاي تستغلي الكنز دا في العناية بشعرك وبشرتك وازاي تعملي منه وصفات مميزة في البيت بطرق بسيطة وسهلة.

وصفات طبيعية جربيها عشان تحصلي على كل فوائد جوز الهند:

زيت جوز الهند هو كنز في بيتك تقدري تدخليه في وصفات كتير وتعملي منه ماسكات أو مقشرات للبشرة أو حتى تستخدميه بشكله العادي لدهان البشرة وفي الجزء ده نقولك وصفات طبيعية هتوفرلك كل فوائد جوز الهند وهتقدري تطبيقها بسهولة جداً في البيت.

وصفات طبيعية بزيت جوز الهند لبشرة أجمل:

  • تقشير البشرة: بمجرد ما تخلطي معلقة من زيت جوز الهند مع السكر أو البن ونقط بسيطة من الليمون (لو بشرتك مش حساسة) هيكون عندك واحد من أفضل مقشرات البشرة والجسم الطبيعية واللي ليها تأثير كبير جداً على مرونة ونعومة الجلد عشان فوائد جوز الهند اللي بتقدمها لبشرتك فعالة جداً.
  • إزالة المكياج: لو بتحتاري في اختيار مزيل المكياج المناسب لبشرتك أو بتفضلي استخدام المنتجات الطبيعية فقطنة صغيرة عليها زيت جوز الهند هتخلصك من كل المكياج اللي على بشرتك وتقدري تستخدمي بعدها غسول البشرة عشان تشيلي بقايا الزيت.
  • ترطيب البشرة: زي ما قولنا في البداية من فوائد جوز الهند ترطيب البشرة بشكل فعال جداً عشان كدا لو بتعاني من جفاف في جسمك أو بشرتك تقدري تستخدمي جوز الهند وتدهنيه على جسمك أو تستخدمي نقط بسيطة لترطيب الوجه.
  • علاج السيلوليت والخطوط البيضا: الحقيقة ان دي بتعتبر من أكبر المشاكل اللي بتواجه جسمك نتيجة لزيادة أو نقصان الوزن المفاجيء أو حتى بسبب التغيرات الهرمونية اللي بيمر بيها جسمك لكن ترطيب الجسم بمرطب قوي وفعال زي جوز الهند هيخلي الجلد أكثر مرونة وهيوفرلك الوقاية اللي محتاجاها في المشاكل دي وكمان ممكن يساعد في علاجها.

وصفات مميزة بزيت جوز الهند للشعر:

فوائد جوز الهند للشعر كتيرة جدا، زي ما قولنا في البداية هو بيرطب الشعر وبيساعدك تتخلصي من القشرة وبيحارب التقصف وعشان كدا هتلاقي مجموعة كبيرة من منتجات العناية بالشعر اللي بتحتوى على جوز الهند كمكون أساسي زي المنتجات دي:

تقدري كمان تستخدمي جوز الهند في عمل وصفات طبيعية منزلية وعشان كدا هنقولك مجموعة من الوصفات المميزة اللي تقدري تستخدمي فيها زيت جوز الهند للشعر:

  • وصفة تطويل الشعر: عشان تطولي شعرك تقدري تستخدمي ربع كوب من زيت جوز الهند مع نفس الكمية من زيت الزيتون بعد ما تدفيهم شوية على النار وبعدها تحطيهم على شعرك لمدة ساعة بعد ما تغطية بفوطه مناسبة وبعدها تغسلي شعرك كويس وتقدري تكرري الوصفة دي مرة لمرتين أسبوعياً.
  • وصفة القشرة: من فوائد جوز الهند أنه بيساعدك تتخلصي من القشرة وهنا هتستخدميه بطريقة بسيطة جداً على شعر نضيف ومغسول كويس والطريقة هي تدليك فروة الرأس بزيت جوز الهند وتركه لمدة نصف ساعة وبعدها تغسلي شعرك كويس وتقدري تكرري الوصفة دي مرة كل أسبوع.

5 أسرار عن فوائد جوز الهند للشعر والبشرة تعرفي عليها

 

ازاي تختاري النوع المناسب عشان تحصلي على كل فؤائد جوز الهند:

بعد ما عرفتي فوائد جوز الهند واستخدامات الزيت المميز دا جه دورنا عشان نقولك إن مش أي نوع ينفع تستخدميه على بشرتك لكن من المهم استخدام نوع نقي وطبيعي وموثوق وعشان كدا وفرنالك في جلوس كايرو مجموعة مميزة من زيت جوز الهند من ماركات معروفة عشان تحصلي على كل فوائد جوز الهند الطبيعية. ومن أفضل الأنواع اللي ممكن تستخدميها الآتي:

اختاري النوع اللي يناسبك واستخدميه على بشرتك عشان تحصلي على كل فوائد جوز الهند وتحافظي على بشرتك نضرة ومترطبة وتفضلي دايماً متألقة ومتنسيش تتابعينا على جلوس كايرو عشان تشوفي أحدث الموضوعات الخاصة بالعناية بالشعر والبشرة.

icon

Gloss Cairo Logo
تجربة تسوق فريدة من نوعها
  • image

    منتاجات أصلية %100

    من البراند أو الوكيل مباشرة

  • image

    شحن سريع

    نرضي ٩٩٪ من عملائنا

  • image

    خدمة عملاء متميزة

    تواصلي معنا علي إنستجرام، أو فيس بوك أو واتساب

  • image

    ضمان الارجاع المجاني

    ضمان الارجاع خلال ١٤ يوم

close حقيبة التسوق محتوبات الطلب
  • لا توجد منتجات متاحه